Höfundur: Kjölur

Nýr Kjölur 1 afhentur

By KjölurBirt þann
Sveitin fékk nýjan Kjöl 1 afhentann á Selfossi í dag, föstudag 12.7.   Bíllinn er Ford F-350, 40" breyttur, með húsi og voru allar breytingar framkvæmdar á Selfossi og í Þorlákshöfn. Örtölvur sáu um rafmagnsvinnu, SB Skiltagerð ehf merkingar og ÍB upphækkun og fjöðrun. Nýr Kjölur 1 leysir af hólmi eldri 38" Ford Econoline bíl sveitarinnar sem skemmdist í vetur. Eftir er að setja allan lausan búnað í nýja bílinn og gera hann útkallsklárann en Kjölur 1 mun í framhaldinu fá eldskírn sína á hálendisvakt að Fjallabaki á næstu dögum. Á myndinni eru þeir Ingimar frá IB og Eyjólfur frá Örtölvum… ‹ Lesa Meira

Höfðingleg gjöf

By KjölurBirt þann
Slysavarnardeildin í Reykjavík kom í gærkvöldi færandi hendi til okkar, deildin færði okkur peningastyrk til kaupa á nýrri bifreið sem kemur í staðinn fyrir Econoline sem skemmdist í vetur. Takk kærlega fyrir komuna og höfðinglegan styrk Á myndinni má sjá Eddu Guðmundsdóttur formann slysavarnardeildarinnar og Brynjar Bjarnason formann Kjalar. ‹ Lesa Meira

Kjölur 1 úr leik

By KjölurBirt þann
Í febrúarmánuði urðum við fyrir því óhappi að missa stóra jeppan okkar, Kjöl 1 úr starfi. Bíllinn lenti utan vegar í Grafningi í hálku og miklar skemmdir urðu á undirvagni og vél. Til allrar hamingu slasaðist enginn en bíllinn hefur verið afskrifaður. Þessa dagana er unnið að því að ganga frá kaupum á Ford 350 bíl sem mun taka við hlutverki Kjölur 1. Framundan er nokkurra mánaða ferli með breytingum og rafmagnsvinnu en vonast til að sveitin verði að fullu útkallshæf með sumrinu. Til þess að brúa bilið hefur verið keyptur notaður sjúkrabíll sem mun létta undir í útköllum og… ‹ Lesa Meira

Flugeldasölu hætt

By KjölurBirt þann
Björgunarsveitin Kjölur hefur tók þá ákvörðun í fyrra að hætta flugeldasölu og treysta á aðrar fjáraflanir til þess að halda úti starfinu. Útköll á árinu eru orðin 90 talsins, aðallega vegna leita, slysa, bráðaveikinda og veðurs og mörg þeirra alvarleg. Á bak við hvert útkall eru margar vinnustundir í þjálfun félaga eða viðhaldi tækja og búnaðar. Auk þess sinnir sveitin ýmsum forvarnarverkefnum, fundum og fjáröflunum með fámennum en virkum hópi. Allt starfið byggir á tíma sjálfboðaliðans og velvilja fjölskyldu og vinnuveitanda. Þeir sem hafa áhuga á að styrkja sveitina beint, er bent á reikning 0315-26-26332 og kennitala 690390-1089. ‹ Lesa Meira

Ljósaganga í Esju

By KjölurBirt þann
  Árleg ljósaganga á vegum Ljóssins fór fram í gær í Esjuhlíðum, þrátt fyrir norðangarra og hálku. Talsverður fjöldi göngumanna hélt í fjallið með storminn í fangið og myndaði á niðurleið fallegan ljósafoss með höfuðljósum. Að venju voru björgunarsveitarmenn frá Kili og Sigurvon göngumönnum til halds og traust á leiðinni. Vert er að minna á mikilvægi þess að kynna sér veðurspár, vera vel klæddur og nota öryggisbúnað við útivist á þessum árstíma. Ljósið er endurhæfingar- og stuðningsmiðstöð fyrir fólk sem hefur fengið krabbamein og aðstandendur þess. ‹ Lesa Meira

.. Þetta helst ..

By KjölurBirt þann
  Ýmislegt hefur verið á döfinni hjá björgunarsveitinni undanfarið, þótt rólegt hafi verið í útköllum, fjögur í nóvember. Hér  fyrir neðan er stiklað á stóru hvað helst hefur borið við í starfi Kjalar, fjáröflun, fræðsla og uppfærsla á búnaði. Bjsv Kjölur seldi slöngubátinn í sumar og fest kaup á tveim sæþotum í staðinn. Þessa dagana er verið er að útbúa þær og gera útkallshæfar. Þá fengu nemendur í 8.-10. bekk Klébergsskóla á Kjalarnesi fræðslu um endurlífgun. Farið var yfir ýmsa þætti eins og hvernig má kanna meðvitund, beitungu hjartahnoðs, (sjá mynd) blástur fyrir ungabörn og meðferð hjartastuðtækis. Fyrirhugað er að… ‹ Lesa Meira

Vettvangsvakt í Skaftafelli

By KjölurBirt þann
  Dagana 1.-12. ágúst sl. kom Kjölur að vettvangsvakt björgunarsveita í Skaftafelli. Tveir menn ásamt farartæki fóru á vegum sveitarinnar og stóðu vaktina ásamt góðum félögum víðs vegar af landinu. Vettvangsvaktin snýst, líkt og hálendisvaktin um forvarnir, stytta viðbragðstímann og styðja við björgunarsveitir á svæðinu. Verkefni voru nokkur og af ýmsu tagi en einnig gafst tækifæri til þess að njóta útivistar og náttúru í Öræfum. Á myndinni má sjá félaga frá Hjálparsveit skáta í Aðaldal, björgunarsveitinni Dagrenningu Hólmavík, slysavarnadeildinni Unu í Garði og Kili. ‹ Lesa Meira

Kjölur stendur hálendisvakt á Sprengisandi

By KjölurBirt þann
Nokkrir harðsnúnir galvaskir félagar í Kili lögðu í hann sunnudaginn 15. júlí til að standa sína plikt á hálendisvakt björgunarsveitanna á Sprengisandi.  Eftir að hafa hlaðið nauðsynlegustu tækjum og tólum, nesti, nýjum skóm og fatnaði, um borð í fararskjótann Kjöl 1, sett fjórhjól á kerru og gert við kerrudekk, spáð og spökulerað, var allt klárt og lagt í hann laust fyrir hádegi frá Þórnýjarbúð á Kjalarnesi, til viku dvalar í Nýjadal á Sprengisandi. ‹ Lesa Meira

Slöngubáturinn farinn á ný mið

By KjölurBirt þann
Kjölur slöngubátur, sem þjónað hefur okkur dyggilega í 12 ár, hefur verið seldur og heldur nú á ný mið við Breiðafjörð. Í stað bátsins er áætlað að sinna leit og björgun á sjó og vötnum með tveimur jet skíðum. Skíðin eru í pöntun og reiknað með að þau verði útkallsklár í lok sumars. Síðasta verkefni slöngubátsins var gæsla á Hátíð Hafsins og Sjómannadaginn í Reykjavíkurhöfn 3.-4. júní síðastliðinn. ‹ Lesa Meira

Rysjótt tíð í febrúar

By KjölurBirt þann
Það hefur verið í ýmis horn að líta hjá björgunarsveitum landsins í febrúar. Hver lægðin á fætur annarri hefur valdið usla með hvassviðri, og úrkomu af ýmsu tagi. Það sem af er febrúar eru 19 útköll komin hjá Kili, þar af 9 vegna veðurs hér á svæðinu eða í grenndinni.   Línuritsmyndin sýnir vikuyfirlit fyrir Skrauthólaveðurstöðina (af vef Veðurstofunnar). Á henni má sjá hvernig þrjár lægðir  hafa heimsótt okkur með stuttu millibili og mestu vindhviður skotist yfir 50 metra á sekúndu, ( 180 km/ klst ) miðjulægðin  er í fárviðrisstyrkleika. Vegalokanir eru tíðar og sýnist fólki sitt hvað um þær. Veður er mismunandi kringum… ‹ Lesa Meira