Eldgos á Reykjanesskaga

Eldgos hófst í Geldingadölum í Fagradalsfjalli um 10 km norðaustur af Grindavík föstudagskvöldið 19. mars 2021. Margir leggja leið sína í Geldingadali þessa dagana, enda eldgosið mikið sjónarspil. Björgunarsveitir standa vaktina með öðrum viðbragðsaðilum til þess að tryggja öryggi gesta. Meðal annarra hefur Kjölur verið við gæslu á svæðinu og tekið þátt í vöktum í vettvangsstjórn. Myndin er tekin við gönguleið A.Nauðsynlegt er að vera vel búin til göngu í fjalllendi ef menn ætla að skoða gosið. Í því felst m.a. að vera með skjólgóðan og hlýjan fatnað, góða gönguskó, brodda, fullhlaðinn síma, ljós og nesti.Gasmengun hefur verið veruleg og… ‹ Lesa Meira

Gleðilegt nýtt ár

Útköll sveitarinnar í ár eru orðin 86 talsins  Þar af voru 42 útköll vettvangsliða vegna bráðaveikinda og slysa á Kjalarnesi og í Kjós. Covid-19 hefur ekki haft teljandi áhrif á viðbragðsgetu. Flest annað sem tengist starfinu hefur þó verið verulega skert - námskeið og æfingar í lágmarki og tækifæri til fjáröflunar mjög takmarkaðir.Kjölur er, eins og flestir vita, hættur flugeldasölu en er í ár með nokkur rótarskot til sölu. Með kaupum á rótarskoti er hægt að "slá tvær flugur í einu höggi" og styðja við bæði skógrækt og björgunarsveitarstarf á Kjalarnesinu.Rótarskotið kostar 3.990 kr og hægt er að nálgast þau… ‹ Lesa Meira

Hálendisvakt

Síðastliðna helgi lauk hálendisvakt björgunarsveita þetta sumarið. Björgunarsveitir skiptast á, viku í senn á fjórum stöðum: norðan Vatnajökuls, að Fjallabaki, á Sprengisandi auk Skaftafells. Verkefnin eru fjölbreytt en ganga almennt út á slysavarnir, að vera til taks og stytta viðbragð sem ella þyrfti að koma úr byggð. Kjölur tók tvær vaktavikur í ágúst, þá fyrri í Skaftafelli og síðustu vaktavikuna að Fjallabaki, með liðsauka frá björgunarsveitinni Dagrenningu á Hólmavík. Veður var með ágætum á báðum stöðunum, slangur af ferðamönnum og ýmis verkefni voru farsællega leyst. Myndir Eins og undanfarin ár, styrktu Matfugl, MS, Myllan og Stjörnugrís okkur með skrínukost fyrir… ‹ Lesa Meira

70 ára afmæli björgunarsveitarinnar Kjölur

Björgunarsveitin Kjölur á 70 ára afmæli í dag,  29. desember 2019.  Sá dagur árið 1949 markar upphaf sögu slysavarna og björgunarstarfa á Kjalarnesi. Stofnfundur  slysavarnadeildar á Kjalarnesinu var haldinn að Klébergi  og mættu um 60 manns á fundinn.  Slysavarnadeildin beitti sér strax fyrir því að stofnuð yrði björgunarsveit innan deildarinnar og að fluglínutæki  fengist í hreppinn.  Mikill kraftur var í starfinu frá upphafi og nánast allir íbúar Kjalarnesshrepps félagsmenn. Haldið var námskeið í fyrstu hjálp, farið í leitir og þrýst á úrbætur í brunavörnum og endurbótum í  símamálum.  Í janúar 1952 var fyrsta stóra verkefni  slysavarnadeildarinnar þegar farþega- og flutningaskipið… ‹ Lesa Meira

Vegalokunarskilti við Grundarhverfi

Skilti sem auðveldar vegfarendum að komast í skjól á sem öruggastan hátt, var nýverið tekið í gagnið við Klébergsskóla á Kjalarnesinu. Skiltið er sett upp af Almannavarnanefnd höfuðborgarsvæðisins, í samvinnu við Rauða krossinn og Kjöl, staðsett við Grundarhverfi og er m.a. virkjað þegar vesturlandsvegur lokast. Í skólanum er hægt að fá húsaskjól, næringu og frekari aðstoð eftir þörfum og sjá sjálfboðaliðar Rauða Krossins sem jafnframt eru starfsmenn skólans um mönnun. Mikilvægt er að virða vegalokanir, en allur akstur er bannaður á leiðum meðan lokanir standa yfir. Á myndinni má sjá skiltið við Klébergsskóla. ‹ Lesa Meira

Hálendisvakt að Fjallabaki

Nýr Kjölur 1 var með í för þegar sveitin stóð hálendisvaktina að Fjallabaki, vikuna 11.-18. ágúst. Eins og við var að búast, stóð bíllinn sig vel og mörg tækifæri gáfust til þess að þjálfa akstur við krefjandi aðstæður. Vaktin var einnig nýtt til þess að æfa og fara yfir búnað, kynna sér svæðið og rækta félagslega þáttinn. Alls voru sex Kjalarmenn og einn félagi björgunarsveitarinnar á Eyrarbakka á vaktinni og sinntu þeim verkefnum sem upp komu: veikindi, fastir bílar, slys, bílaaðstoð og upplýsingagjöf. Veður var svalt og hvasst flesta daga, miklir þurrkar á hálendinu og moldar-/sandfok sem gerði tjaldbúum, göngu- og… ‹ Lesa Meira

Nýr Kjölur 1 afhentur

Sveitin fékk nýjan Kjöl 1 afhentann á Selfossi í dag, föstudag 12.7.   Bíllinn er Ford F-350, 40" breyttur, með húsi og voru allar breytingar framkvæmdar á Selfossi og í Þorlákshöfn. Örtölvur sáu um rafmagnsvinnu, SB Skiltagerð ehf merkingar og ÍB upphækkun og fjöðrun. Nýr Kjölur 1 leysir af hólmi eldri 38" Ford Econoline bíl sveitarinnar sem skemmdist í vetur. Eftir er að setja allan lausan búnað í nýja bílinn og gera hann útkallsklárann en Kjölur 1 mun í framhaldinu fá eldskírn sína á hálendisvakt að Fjallabaki á næstu dögum. Á myndinni eru þeir Ingimar frá IB og Eyjólfur frá Örtölvum… ‹ Lesa Meira

Höfðingleg gjöf

Slysavarnardeildin í Reykjavík kom í gærkvöldi færandi hendi til okkar, deildin færði okkur peningastyrk til kaupa á nýrri bifreið sem kemur í staðinn fyrir Econoline sem skemmdist í vetur. Takk kærlega fyrir komuna og höfðinglegan styrk Á myndinni má sjá Eddu Guðmundsdóttur formann slysavarnardeildarinnar og Brynjar Bjarnason formann Kjalar. ‹ Lesa Meira

Kjölur 1 úr leik

Í febrúarmánuði urðum við fyrir því óhappi að missa stóra jeppan okkar, Kjöl 1 úr starfi. Bíllinn lenti utan vegar í Grafningi í hálku og miklar skemmdir urðu á undirvagni og vél. Til allrar hamingu slasaðist enginn en bíllinn hefur verið afskrifaður. Þessa dagana er unnið að því að ganga frá kaupum á Ford 350 bíl sem mun taka við hlutverki Kjölur 1. Framundan er nokkurra mánaða ferli með breytingum og rafmagnsvinnu en vonast til að sveitin verði að fullu útkallshæf með sumrinu. Til þess að brúa bilið hefur verið keyptur notaður sjúkrabíll sem mun létta undir í útköllum og… ‹ Lesa Meira

Flugeldasölu hætt

Björgunarsveitin Kjölur hefur tók þá ákvörðun í fyrra að hætta flugeldasölu og treysta á aðrar fjáraflanir til þess að halda úti starfinu. Útköll á árinu eru orðin 90 talsins, aðallega vegna leita, slysa, bráðaveikinda og veðurs og mörg þeirra alvarleg. Á bak við hvert útkall eru margar vinnustundir í þjálfun félaga eða viðhaldi tækja og búnaðar. Auk þess sinnir sveitin ýmsum forvarnarverkefnum, fundum og fjáröflunum með fámennum en virkum hópi. Allt starfið byggir á tíma sjálfboðaliðans og velvilja fjölskyldu og vinnuveitanda. Þeir sem hafa áhuga á að styrkja sveitina beint, er bent á reikning 0315-26-26332 og kennitala 690390-1089. ‹ Lesa Meira